KALIBO, Aklan—‘Wait and see’ ro Commission on Elections ukon Comelec sa mangin desisyon it korte suprema angot sa petisyon nga andang gindihon agud nga amyendahan ro andang ruling ag imandu nga pagahiwaton ro masunod nga barangay ag sangguniang kabataan ukon SK elections sa Oktubre 2026.
Suno kay Chrispin Raymund Gerardo, tagapaghambae it Comelec-aklan nga raya hay kasunod it ruling it korte suprema nga dapat nga itaeana ro masunod nga barangay ag SK elections sa Disyembre 2025 kun sa siin magaresulta raya sa pagpatigayon it daywang national elections bangud nga ro midterm elections hay pagapatigayunon man sa mayo 2025.
Dugang pa ni Gerardo nga ro nasambit nga ruling hay maka-apekto ag makapatag-od sa termino it mga magadaog nga barangay ag SK officials sa maabot nga Oktubre 30, 2023 nga eleksyon nga magiging daywang dag-on eamang imbes nga tatlong dag-on.
Madumduman nga nauna eon nga gindeklara it supreme court nga eabag sa konstitusyon ro ginbilog nga RA 11935 nga nagapaiway sa barangay ag SK elections halin sa anang orihinal nga petsa nga Disyembre 5, 2022 sa Oktubre 30, 2023.
