KALIBO, Aklan—Ginmandu eon it commission on elections ukon Comelec ro reshuffling it mga regional directors, provincial supervisors ag municipal election officers epektibo makaron nga buean it Agosto para sa nagahilapit nga eleksyon sa 2022.
Suno kay Crispin Raymund Gerardo, tagapaghambae it Comelec-Aklan ag New washington election officer nga ro dating regional director it western visayas nga si Atty. Dennis Ausan hay idtu eon makaron naka-assign sa region 7 sa Cebu.
Nakataeana man suno kana nga pagabayluhan sa Aklan si provincial supervisor Atty. Roberto Salazar.
Target it komisyon nga mapatigayon ro re-shuffling antes ro filing it certificate of candidacy.
Normal ag ordinary sigon nga mandato ro reshuffling it mga election officers kada nagahilapit ro boeotuhan agud nga malikawan ro pagiging bias bangud haeos familiar eon sanda sa mga magapadaeagan nga kandidato samtang ro iba hay igbata nanda.
