KALIBO, Aklan—Ginpasugtan eon it Commission on Election (Comelec) nga magbukas ro voter’s registration sa mga lugar nga una sa idaeom it Modified Enhanced Community Quarantine (MECQ) umpisa sa maabot nga adlaw it Lunes, Setyembre 6.
Suno kay Crispin Raymund Gerardo, tagapaghambae it Comelec-Aklan nga nakataeana nga magbukas umpisa alas-8:00 it agahon hasta alas-5:00 it hapon halin Lunes hasta Sabado ag maskin holiday ro kada opisina it commission.
Bangud kara, uman eon nga magabaton ro taeapan it mga pumueoyo nga gustong mag-eagas sa pagpa-rehistro para sa nagahilapit nga 2022 national and local elections.
Kadungan kara, nagsugot eon man ro En Banc nga pasugtan ro pagparehistro sa mga mall.
Samtang, nagahilapit eon nga magtapos ro voter’s registration sa Setyembre 30, 2021.
