Humampak eon sa masobra 2,300 ro numero it mga indibidwal nga nag-eabag sa Commission on Elections (Comelec) gun ban.
Suno sa Philippine National Police (PNP) kabilugan nga 2,313 eon ro nag-eabag sa nationwide election gun ban.
Kapin sa 2,249 it mga violators hay sibilyan, 40 ro security guards, 14 ro police officers ag 10 ro military personnel.
Nakumpiska man sa mga violator sa ginpatigayun nga 2,209 police operations ro 1,785 firearms, 10,157 bilog nga bala ag 826 deadly weapons.
Suno sa PNP, kaabuan sa mga violators hay naghalin sa National Capital Region nga nakalista it 854, Calabarzon, nga 250 ag Central Visayas nga may 241.
Sa idaeom it Resolution No. 10728, hugut nga ginabawaean it Commission on Elections (Comelec) ro pagbitbit it mga baril ag deadly weapons sa guwa it mga panimaeay umpisa Enero 9 hasta Hunyo 8, 2022.
