Igapadayun pa gihapon it Commission on Elections (Comelec) ro pagbakae it mga election paraphernalia.
Raya hay sa pihak it mga panawagan para sa pagpaiway it 2022 barangay ag Sangguniang Kabataan elections (BSKE) sa Disyembre.
Suno kay Garcia, ro poll body hay “in full swing” para sa andang pagpahaum para sa Barangay and Sk elections nga ginakaeakipan it mga briefing ag training sa andang mga mataas nga opisyal.
Suno kana, ro mga pagpahaum sa eleksiyon hay ueobrahon it Comelec rason nga kinahang-ean nanda nga maging preparado.
Sa makaron, ginpahayag ni Garcia nga ro P8.4-bilyon nga budget para sa elections hay “intact” pa gihapon.
Sa P8.4 bilyon, ginpahayag ni Garcia nga naga-abot sa P5 milyon eon ro nagastos para sa registration it mga botante ag pagbayad it mga empleyado nga nag-overtime para sa pagpahaum sa nagahilapit nga eleksyon.
Gindugang pa kara ro mga materyales kapareho it mga papel ag ballpen hay pwede pa gihapon nga gamiton sa masunod nga eleksyon engkaso nga aprubahan it Kongreso ag pangueo ro proposisyong laye nga uman nga ipaiway ro Barangay ag SK elections.
