KALIBO, Aklan—Pagkatapos it ginpatigayon nga midterm election, nagapahaum eon ro Commission on Elections ukon Comelec-Kalibo para sa nakataeana nga barangay and sangguniang kabataan ukon SK election nga pagahiwaton sa Disyembre 1 it makaron nga dag-on.
Suno kay Atty. Christian Itulid, municipal election officer it COMELEC-Kalibo nga padayun ro andang ginahimo nga pagpahaum sa paeaabuton nga eleksyon bangud nga raya hay nakabaehag sa laye.
Hasta nga indi sigon makapasa it laye ro kongreso nga igapaiway ro eleksyon hay madayun raya sa gintaeana nga petsa.
Ginpahayag dugang nga sa July 1 hasta July 11 ro registration it mga botante para sa maabot nga barangay ag SK election.
Sakop kara ro transfer, new registration, correction of entries, reactivation ag iba pa.
Kaibahan man sa pagpahaum hay ro pagbo-oe it barangay ID ag barangay clearance bilang dokumento sa voter registration bangud sa mga nailistang kaso it maeapnagon nga pag-isyu kara nga posibleng magtau it daean sa iregular nga pagsaylo it registration it mga botante .
Ro pwede eamang sigon nga batunon bilang ebidensiya it identity ag proof of residency sa pagparehistro hay ro mga ID kapareho it POSTAL ID, School ID, Senior Citizens ID ag iba pa.
