KALIBO, Aklan — Uman nga nagpanawan ro Commission on Elections (Comelec) Kalibo nga taw-an it oras ro pag-agto sa andang taeatapan agud nga magparehistro eabi eon ro mga bag-ong botante.
Apela ni Atty. Christian Itulid, election officer it Comelec Kalibo nga likawan ro last-minute syndrome ukon ro pagparehistro sa ulihing adlaw it registration.
Raya hay bangud nga owa eon sigon it plano ro andang central office nga magtau it extension sa publiko angot sa Register Anywhere Program nga hasta eon lang sa Agosto 30 samtang ro normal nga registration hay hasta sa September 30.
Samtang, ginpahayag ni Atty. Itulid nga pagkatapos it satellite registration sa mga barangay, mall ag eskwelahan, plano man nanda nga magpatigayon kara sa Aklan Rehabilitation Center ag Bureau of Jail Management and Penology ag iba pang lugar agud nga mas maabu ro maengganyo nga magpa-rehistro ag makaangkon it kahigayunan nga makaboto sa 2025 Midterm Elections.
Sa pihak nga parte, ro filing it certificate of candidacy hay maga-umpisa sa Oktubre 1 hasta Oktubre 8 apang owa pa sigon sanda it guidelines nga ginabuytan.
Ginaeauman nga antes nga matapos ro registration hay makalista it kapin sa 3,000 nga mga bag-ong botante.
