Kumpyansa ro Commission on Elections (Comelec) nga padayong magiging maayos ro kahinatnan it final testing ag sealing it mga vote-counting machines (VCMs) nga pagagamiton sa May 9 elections.
Suno kay Comelec Chair Saidamen Pangarungan, nga personal nga nagtambong sa final testing and sealing it mga VCM sa San Juan Elementary School sa San Juan City, ginpahayag kara nga naging madinaeag-on ro aktibidad.
Ginakonsidera it Comelec chief nga “flawless” ag “perfect” ro ginapatigayon nga final testing and sealing it mga makinang pagagamiton sa eleksyon.
Nagpasaeamat man ro Comelec chair bangud naging madinaeag-on ro aktibidad ag nagaeaum raya nga makaangkon it positibong impact sa pagboto bangud sa testing ag sealing pa eamang hay uwa eon it naging aberya.
Kadungan kara, gin-engganyo ni Pangarungan ro tanan nga mga botanteng bumoto sa May 9 elections.
