Comelec, kumpiyansa nga indi mauman ro 7-hour delay sa pag-transmit it resulta it boto

Ginpasiguro it Commission on Elections (COMELEC) nga indi eon mauman pa ro seven-hour delay sa pag-transmit it resulta it botohan makaron nga May 9 elections kapareho it natabo ko 2019 midterm elections.

Suno kay Comelec Commissioner Marlon Casquejo, sa makaron hay bastante eon ro transparency server para sa nagahilapit nga eleksyon.

Mag-euwas kara, nagbaylo eon man sanda it terms of reference para sa transmission of votes  sa mga media server.

Sa kamatuoran suno kana, nagpatigayun eon sanda it stress test kung siin 50,000 ukon 100,000 boto ro andang dire-diretsong ginpadaea sa media server ag owa sanda it nakitang anumang pagpalya.