KALIBO, Aklan—Agud nga masiguro ro kaayusan sa adlaw it eleksyon sa Mayo 9, magapakalhit it COVID-19 marshals ro Commission on Elections ukon Comelec.
Suno kay Atty. Roberto Salazar, Provincial Election Supervisor it Aklan nga ro nasambit nga mga marshall ro magabantay sa pagpatuman it minimum health protocol kontra covid 19 partikular ro physical distancing.
Samtang, gindugang pa kara nga padayun nga pagagamiton ro vote counting machines kun sa siin may mga plano nga pagadugangan pa it Comelec.
Indi pa sigon matumod nanda kon pilang botante ro pagapasugtan sa sangka clustered precinct bangud nga nakadepende pa raya sa turn-out it registration.
Nagapabilin sigon ro 90 diyas nga campaign period para sa mga national candidates ag 45 diyas sa mga lokal nga kandidato.
Ginatun-an man sigon makaron it committee on new normal it Commission En Banc ro mga rules sa pagpatigayon it kampanya ag eleksyon.
Posibleng iga-pattern sigon nanda ro patakaran sa ginpatigayon nga plebesito sa Palawan.
Nakipag-angot eon man sigon sanda sa department of education ag Philippine National Police.
Owa man sigon it problemang pang seguridad kada eleksyon sa Aklan.
Dugang pa nga ginaeauman ro re-shuffling it mga municipal election officer agud nga malikawan ro mga kontrobersiya.
Apang nakadepende raya sa regional director it Comelec.
