KALIBO, Aklan—Makaangkon it tatlong adlaw nga special voter registration para sa mga kababayin-an bilang pagtau it daean sa selebrasyon it National Women’s Month.
Suno kay Atty. Rommel Benliro Municipal Election Officer it Commission on Elections ukon Comelec-Kalibo nga ro special voter registration hay ginlunsar it komisyon sa bilog nga nasyon para sa local registration.
Nag-umpisa suno kana ro special registration activities Marso 9 ag magatapos sa Marso 11.
Samtang, ginapasuksok man ro tanan nga mga empleyado it Comelec it kulay purple kada Biyernes, sa baylo nga Lunes makaron nga bilog nga buean it Marso bangud nga ro adlaw it Lunes hay nakataeana para sa disinfection it tanan nga opisina it Comelec.
Sa pihak nga parte, ginpaabot ni Atty. Benliro nga amat-amat eon nga nagataas ro mga nagpa-rehistro sa banwa it Kalibo.
Raya hay kasunod suno kana it pagbukas it andang taeatapan kada sabado nga adlaw ag maskin may holiday kamana man nga ginpaeawig ro office hours umpisa alas-8 it agahon hasta alas-5 it hapon.
