KALIBO,Aklan– Masako makaron ro Commission on Election ukon Comelec sa pagpreparar it list of voters kasunod it nakataeana nga Barangay ag Sangguniang Kabataan Election sa maabot nga buean it Oktobre it presenteng dag-on.
Suno kay Atty. Roberto Salazar, provincial election officer it Comelec Aklan nga naging maid-id pag-abot sa voter’s registration bangud nga inde pwede magparehistro it makaywang beses.
Samtang, makaangkon eamang it daywang termino ro mga kandidato nga magadaog sa maabot nga Oktobre matapos nga gindeklara it Supreme Court nga eabag sa Konstitusyon ro laye nga nagsuspinde sa nasambit nga eleksyon.
Madumduman nga sa ginpaguwang desisyong SC, sa pihak it deklarasyon nga “unconstitutional” ro Republic Act 11935, ginakilaea kara ro legal nga praktikalidad ag kinahang-eanon nga ipadayon ro BSKE sa ulihing Lunes it Oktubre 2023.
