KALIBO, Aklan—Nagpaandam ro Commission on Elections (Comelec) sa mga aspirante para sa Barangay and Sangguniang Kabataan Elections kaibahan ro andang mga tagasuporta nga likawan anay ro pagpangampanya sa tanan nga mga platforms hasta nga indi mag abot ro Oktubre 19, ro pag-umpisa it campaign period.
Suno kay Chrispin Raymund Gerardo, tagapaghambae it Comelec Aklan nga ro mga aspirante hay makabig eon nga kandidato sa oras nga maka-file it andang certificates of candidacy (COCs).
Kaeakip sa andang ginabantayan sa premature campaigning hay ro tanan nga platforms partikular sa social media.
Gina engganyo sigon it komisyon ro tanan nga mga rehistradong botante nga magbulig sa pagbantay it premature campaigning nga naka-posts sa social media ag magpasaka it pormal nga reklamo sa Comelec.
Gindugang pa ni Gerardo nga ro termino it mga magadaog sa eleksyon hay daywang dag-on eamang.