NATIONAL News — Nagpanindugan ro Commission on Elections (COMELEC) nga owa it natabu nga dayaan sa bag-o eamang natapos nga eleksyon.
Raya hay matapos mapuna it mga netizen ro komisyon angot sa naging partial and unofficial count of votes kun sa siin, nagapanguna sa presidential race si Ferdinand “Bongbong” Marcos Jr. nga ginsundan ni Vice President Leni Robredo.
Nasayuran nga naging madasig ro transmission it botohan rason nga gin-kwestiyon ro opisyal nga paghuyap it boto.
Nagkalhit sa social media ro sangka post kun sa siin, maabu ro nagduda ag naghambae nga may naka-programa ukon may nakatanum nga daya sa mga Vote Counting Machine (VCMs).
Bangud kara, nag-rally ro pilang mga estudyante ag mga militanteng grupo sa COMELEC sa Manila agud nga kuwestiyunon ro nasambit nga isyu.
Suno kay Commissioner Marlon Casquejo, indi makapasa sa mga pag-usisa ro mga automated election system kun may nakaprograma nga pagpangdaya.
Mabudlay sigon nga pamatud-an nga may una nga natabu nga pagpangdaya sa botohan bangud nga ro tanan nga system hay nag-agi sa certification it andang ahensya.
Ginklaru ni Casquejo nga sa kada limang minuto, nakabase ro unofficial count sa transmission it mga presinto it transparency server ag indi eon kinahangean pa ro mga resulta sa mga presinto agud nga makapaguwa it resulta sa mga boto.
