KALIBO, Aklan — Nagpatigayon it Oplan-Baklas ro Commission of Election ukon Comelec sa banwa it Kalibo.
Raya hay kasunod it pag-umpisa it campaign period para sa lokal nga mga kandidato sa Aklan nga nagapa-ilihir sa posisyon sa maabot nga May 2019 mid-term Election.
Suno kay Atty. Romel Benliro, Election Officer it Comelec-Kalibo ro nasambitan nga Oplan-Baklas hay sandig sa Comelec Resolution No. 10488.
Katuyuan kara nga masiguro nga nagasunogd ro mga kandidato sa tama nga sukat it mga campaign materials ag sa nagakaigo nga designation posting areas.
Kaibahan it Comelec ro Philippine National Police (PNP), Department of Public Works and Highways (DPWH) ag mga representante maghalin sa Department of Environment and Natural Resources (DENR) agod nga matan-aw ro palibot kung may mga bayolasyon sa palibot.
May kaangtanan kara, ginpangkaskas nanda ro mga posters, tarpaulin ag iba pang campaign materials nga sobra sa sukat ag owa sa common poster areas nga gindesignar it poll body.
Samtang, uman man nga nagpadumdom si Benliro sa mga nagakandidato nga magsunod sa ginamando it kasuguan.
Ro sin-o man sigon nga kandidato nga maga-eabag sa sueondanan ngara ag mapamatud-an nga nag-eabag hay posibleng papanaugan it nagakaigo nga penalidad.
