Ginpahayag ni Commission on Elections Spokesperson Rex Laudiangco nga masobra 2.3 milyong bag-ong botante ro ginrehistro sandig sa pinakabag-ong datos it poll body.
Suno kay Laudiangco nga ko nagtaliwan nga Hulyo 21 — ro ika-16 nga adlaw it pagpadayon it rehistrasyon it mga botante hay nakalista ro Comelec it may kabilugang 2,334,406 nga bag-ong botante.
Gintunga ni Laudiangco ro kabilugang numero sa 1,456,699 maghalin sa 15 hasta 17 nga mga edad; 752,819 maghalin sa edad nga 18 hasta 30; ag 24,888 maghalin sa 31-anyos pataas nga age bracket.
Nakabaton man sigon ro poll body it 399,128 maghalin sa Barangay ag 4,013 Sangguniang Kabataan (SK) applications to transfer maghalin sa ibang probinsya ukon banwa.
Samtang, mahaba nga pila it mga aplikanteng botante ro nabilog sa guwa it mga taeatapan it Comelec ag satellite list-up centers kahapon nga adlaw, ulihing adlaw it pagparehistro.
Sa pihak nga parte, kahapon nga adlaw, Hulyo 23 ro ulihing adlawpara sa registration it mga botante para sa eleksyon it Sangguniang Kabataan ag Barangay nga nakataeana sa Disyembre 5.
