KALIBO, Aklan—Uman nga gin-engganyo it Commission on Elections (Comelec)-Aklan ro publiko nga kalitan ro nabilin nga oras para magparehistro sa nagahilapit nga 2022 national and local election.
Suno kay Atty. Rommel Benliro, Comelec-Kalibo nga nagapabilin nga bukas ro andang opisina sa pagbaton it mga pumueoyo gustong magparehistro kamana man sa mga gustong magpaayos it andang mga data information.
Dugang pa ni Atty. Benliro nga bukas ro taeatapan halin Lunes hasta Biyernes umpisa alas-8 it agahon hasta alas-5 it hapon para mag-asikaso it voters registration.
Owa sigon it extension sa gintaeana nga deadline rason nga dapat kalitan eon ro nabilin nga oras antes ro pagtapos kara sa Setyembre 30, 2021.
Nagaeaum man ro Comelec nga indi eon mabutang pa sa mas hugut nga restriction ukon Modified Enhnaced Community Quarantine (MECQ) classification ro Aklan agud nga indi maapektuhan ro andang operasyon.
Nasayuran nga target it komisyon nga makaangkon it 7 milyong bag-ong rehistradong botante.
Ro filing it Certificate of Candidady it mga magakandidato para sa masunod nga eleksyon hay nakataeana sa Oktobre 1 hasta 8, 2021.
