National News———Ginahueat pa it Land Transportation Franchising and Regulatory Board (LTFRB) ro official copy it resolusyon maghalin sa Commission on Elections (Comelec) nga nagahambae nga exempted sa election spending ban ro pagpanudpod it fuel subsidy sa nga drayber ag operators.
Sa Laging Handa Public Briefing, ginpahayag ni LTFRB executive director Tina Cassion nga nabatian eamang nanda sa balita ro desisyon it Comelec.
haom man sigon ro LTFRB nga gilayon nga maipanudpod ro ayuda kung may una eun nga kopya it resolusyon.
Pag-eksplekar ni Cassion, indi nanda mai-download ro kwarta sa Landbank hasta nga owa it kopya it resolusyon bangud panigurado nga makwestyun ro andang taeatapan it Commission on Audit (COA).
Gin-anunsiyo it Comelec ko Miyerkules nga gin-aprubahan it andang ahensiya nga himuon nga exempted sa spending ban ro pagpanudpod it P2.5-billion fuel subsidy program para sa public utility vehicle (PUV) operators ag drayber.
Apang ginpundo raya it LTFRB bangud sa spending ban.
Kapin sa P6,500 ro mabatun nga ayuda it mga kwalipikadong drayber ag operator.
