Suportado it Commission on Elections ukon Comelec ro pagpasa it hagna nga magdeklara sa vote buying bilang sangka heinous crime.
Raya ro House Bill No. 1709 nga gindihon ni Malasakit ag Bayanihan Rep. Anthony Golez, Jr, nga tuyong igapataas ro election offense it vote buying bilang heinous crime ag taasan ro penalidad it 20 hasta 40 dag-ong pagkakulong.
Ginpahayag ni Comelec Acting Spokesperson John Rex Laudiangco, nga ginrekomenda ni Chairman George Garcia ro uman nga pagtan-aw sa nasambit nga laye partikular eon ro Section 261 it Omnibus Election Code.
Suno kay Laudiangco nga ro specific recommendation hay ginhimu kasunod it pag-update it definition it vote-buying ag vote-selling para mas maging ensakto sa presenteng sitwasyon partikular eon ro may kaangtanan sa vote buying ukon selling sa online ag over-the-air fund-transfers, internet cash transmittals ag iba pang analogous modalities.
Samtang, maging daean sigon raya para sa pagpatigayon it mas epektibong criminal investigation, case build-up ag prosekusyon.
