KALIBO, Aklan — Bilang pagbuylog sa pagdumdum it All Saints’ Day ag All Souls’ Day, temporaryo nga pagasuspindihon it Commission on Elections (Comelec) ro voter registration umpisa alas-12 it udtro adlaw it Huwebes, Oktubre 30 hasta Nobyembre 2, 2025.
Suno kay Chrispin Raymund Gerardo, tagapaghambae it Comelec-Aklan nga raya hay agud nga taw-an it daean ro pagdumdum sa mga mahae sa kabuhi nga nagtaliwan eon.
Samtang, pagkatapos sigon it Pista Minatay hay uman nga igabalik ro aktibidad sa Lunes, Nobyembre 3.
Nasayuran nga uman nga nagbukas ro voter registration ko Oktubre 20, 2025 ag magatapos sa Mayo 18, 2026.
Sa tiempo it registration period, magabaton ro Comelec it mga bag-ong registration, reactivation, ag pag-transfer it rehistro.
Nauna kara, ginpahayag it komisyon nga gin-umpisahan eon nanda ro pagpahaum pinaagi sa pag-imprenta sa 93 million nga mga balota para sa ginpaiway nga 2026 Barangay ag Sangguniang Kabataan Elections nga pagahiwaton sa Nov. 2, 2026.
