Uman nga paga-umpisahan it Commission on Elections (Comelec) ro voter registration sa bilog nga nasyon sa Nobyembre 10, nga magabuhay hasta sa Hulyo 30, 2027.
Suno kay Comelec Chairperson George Garcia, pwedeng magparehistro ro mga kwalipikadong botante, magpa-reactivate it andang rehistro, magsaylo it rehistrasyon, ukon mag-update it personal nga impormasyon sa gintaeana nga tiempo.
Gin-engganyo ni Garcia ro publiko nga panipuslan ro mas mahabang tiempo it pagparehistro ag indi eon paghueaton pa ro ulihing adlaw bago magparehistro.
Nauna eon nga ginpahayag it Comelec nga ginaboeobanta nga 74 milyong Pilipino ro ginaeauman nga magiging kwalipikadong magboto sa national and local elections sa Mayo 2028.
Ginaeauman man it ahensya nga madugangan it sang milyon ro numero it mga kwalipikadong botante para sa Barangay ag Sangguniang Kabataan Elections (BSKE) sa Nobyembre 2028.
