Comelec, uwa eun it itao nga extension it voter’s registration bisan sa typhoon hit areas

Ginpamilit ni Comelec Chairman George Erwin Garcia nga uwa sanda it maitao nga grace period pagkatapos it Setyembre 30 nga tyempo it pagpalista it mga botante.

Masyado sigon nga mahaba ro tyempo nga nag-umpisa pa katong Pebrero.

Pahayag sa Bombo Radyo ni Gracia nga binuksan man nanda ro mga taeatapan it Comelec bisan holiday, weekends ag mga tyempong uwa it sueod ro ibang taeatapan.

Maging sa mga mall ag pampublikong lugar hay nga-offer man sanda it “Register Anywhere Program” para maka-ayos it registration record ro mga pumueoyo.

Sa pihak it maabong nakalista, maabo man sigon nga delisted bangud sa multiple entry ag iba man hay namatay eun, base sa andang beripikasyon.