Gin-ako sa Bombo Radyo ni Comelec Chairman George Erwin Garcia nga uwa sanda it na stablish nga pattern nga magasinghan nga ginhungod para sa mabahoe nga tikang it pagpangdaya ro mga double at multiple registration it mga botante.
Kasunod kasunod raya it ginatos nga libo nga may pauman-uman nga entry sa andang database.
Paathag ni Garcia, kasagaran sa mga raya hay honest mistake bangod sa pagdumdom nga hingpit eon nga napaea ro anda nga lumang pagparehistro bangod uwa nakaboto sa magkasunod nga eleksyon.
Suno kana, ro dapat kunta nga himuon it mga raya hay nag-reactivate eamang halin sa lumang record, eabi eon kung naghalin it ilistaran ag voting area.
Makaron pa man, paman pagaobserbahan pa sigon it poll body kung may mga makit-an sanda nga trend it pagpangdaya agod nga mataw-an eagi raya it aksyon.
Indi eon man sigon makaeusot ro flying voters bangod nade-detect eon raya it biometric system nga ginagamit it komisyon, halin kat umpisahan ro automated voting process sa atong nasyon ko dag-ong 2020.
