Agud maprotektahan ag mapadasig ro pagbakuna kontra sa African swine fever (ASF) nga kontrolado it gobyerno, ginpaeapad it Department of Agriculture (DA) ro paglunsar kara sa bilog nga nasyon kaibahan ro mga komersyal nga farm it mga baboy, sa idaeom it Integrated National Swine Production Initiatives for Recovery and Expansion (INSPIRE) Program.
Ginpahayag ni DA Assistant Secretary Arnel de Mesa nga ro nasambit nga tikang hay makadugang sa kontroladong rollout sa maisot nga farm.
Suno pa kay De Mesa nga ro Bureau of Animal Industry (BAI)-accredited ag private laboratories hay pwedeng gamiton para sa pag-usisa it mga sample it dugo it mga baboy sa pakikipag-angot sa mga local government units (LGUs).
Ginpahayag dugang ni De Mesa ro mga pahayag kasunod it pagpaguwa it Administrative Order (AO) No. 8 ko Oktubre 18.
Ro mga awtorisadong tawuhan it Bureau of Animal Industry hay dapat pasugtan nga magpatigayon it mga inspeksyon sa farm kaibahan it mga tikang sa biosecurity ag mga pag-usisa sa kahauman.
