Ginkasubo it committee on energy it Sangguniang Panlalawigan it Aklan ro sigidas nga power interruptions eabi eon ko mga nagtaliwan nga inadlaw nga may bisita ro probinsya it Aklan.
Mag-eowas sa paghost it WVRAA Meet 2023 nga ginakaeakipan it mga delegado maghalin sa bilog nga Western Visayas hay nagselebrar man ro Aklan it anibersaryo nga mismong nasaksikan it dinapit nga bisita nga si Senator Loren Legarda ro temporaryong pagkaduea it power supply.
Suno kay Aklan first district board member Nemesio Neron nga beyond the control it Aklan Electric Cooperative ukon Akelco ro nasambit nga insidente apang dapat nga hagan-haganon bangud nga may obligasyon gihapon sanda sa mga konsumidor.
Nasayuran nga makapilang beses nga nakaangkon it mga power interruptions ko mga nagtaliwan nga inadlaw nga ginaturo it Akelco sa National Grid Corporation of the Philippines ukon NGCP.
