Kalibo Aklan———-“Magtao basi sa kapasidad, magbo-oe basi sa kinahangean”.
Raya man ro naging tema it gin-organisa nga community pantry it Northwestern Visayan Colleges (NVC) nga nahamtang sa Pastrana Street, Kalibo.
Suno sa sambilog sa mga organizer it nasambitan nga community pantry nga si Lisa Cesar nga andang nabilog ro ideya bangud man sa inspirasyon nga gintao ni Ana Patricia Non it Ma-ginhawa St. sa Quezon City nga dating manugturo it nasambit nga ekswelahan.
Dikara, pwedeng magbo-oe ro sin-o man it mga pagkaon nga naka-display base sa andang kinahangeanon.
Pwedi man nga magdonar it pagkaon nga pweding makabulig sa iba pang nagakinahangean.
Madumduman nga naunang naireport ro community pantry sa Maginhawa Street sa Quezon City, kung siin mansig aywan eamang ro tawo it pagkaong pwedeng boe-on it libre it mga nagakinahangean.
