-- ADVERTISEMENT --
KALIBO, Aklan—Nagapadayon ro imbestigasyon it pulisya angot sa tinakaw sigon nga compactor machine sa ginapatindog nga cell site it sangka telecommunication company sa Sitio San Roque, Brgy. Tigayon, Kalibo.
Una kara, nataeopangdan sigon it cell site engineer nga may sangka indibidwal nga nakamotor nga nagsueod sa andang bisinidad rason nga insigida nanda raya nga gin-usisa apang naulihi sigon sanda ag nakapanaw eon ro motorista.
Pagkaagahon eon nanda nadiskubrehan nga naduea ro compactor machine nga ginagamit sa pagdasok it eapok nga nagabalor it kapin sa P42,000 pesos.
-- ADVERTISEMENT --
Ro insidente hay gilayon man nga ginreport sa Kalibo PNP station para sa nagakaigong imbestigasyon.
