KALIBO, Aklan – Nagaabot eon sa 68 ro numero it mga compliant hotels and resorts nga makapag-operate sa uman nga pagbukas it isla it Boracay sa Oktubre 26.
Sa ginpaguwang listahan it Department of Tourism (DOT) nadugangan ro nauna eon nga 25 establisimento it 48 nga mga compliant hotels ag resorts nga may kabilugang 3,519 total rooms.
Madumdumang ko nagtaliwan nga congressional hearing it Committee on Environment and Natural Resources nga ginpatigayon sa isla hay tig-sambilog raya nga ginpresentar ni Tourism Secretary Bernadeth Romulo-Puyat.
Nauna eon kara nga ginpahayag ni Puyat nga mahimo pa raya nga madugangan samtang nagahilapit ro Boracay reopening ag sa oras nga daeayon eon raya nga buksan sa mga turista.
Samtang, naging mala-fiesta ro ginhimong dry run sa isla it Boracay kahapon, Oktubre 15 kon siin ro mga Aklanon ro gintaw-an it kahigayunan nga unang nakasaksi sa bag-ong hitsura ko isla antes ro pormal nga soft opening kara sa Oktubre 26.
