Kalibo Aklan ———–Aksidenteng nadiskubrehan ko grupo it mga researchers ro sangka compound nga nabubueo halin sa pandan nga may kapasidad sigon agud suk-ean ro mga sakit sa baga eabi eon ro tuberculosis.
Suno sa Department of Science and Technology (DOST), nadiskubre ko grupo ni Dr. Maribel Nonato nga ro “Pandan Mabango” nga sangka klase it pandan nga masaming ginagamit bilang sangka sangkap sa pag-eaha hay “may slight antitubercular, antimicrobial (for select microorganisms) and antioxidant properties”.
Ro pandan hay sangka halamang tropikal nga kilaea sa mahumot kara nga dahon ag masaming ginagamit sa pag-eaha sa Pilipinas.
Bangud sa nagaabot sa masobra 700 ro klase it pandan, igatutok ni Dr. Nonato ag anang team ro focus sa mas maid-id nga pagtuon sa mga “endemic species” sa nasyon para sa andang medicinal properties.
Ginpahayag ni Dr. Nonato nga ro pandan hay ginagamit bilang diuretic, anti-inflammatory, ag pampanaba it blood sugar.
Masami man nga ginahimong tsaa ro pandan para himuon nga health drink.
Apisar nga eowas imnon ro pandan ag madaling ipahaom pinaagi sa pagpabukae it dahon kara, mismong ro diuretic properties eamang kara ro pwedeng ma-extract.
Apang kon pagagamiton ro pandan juice bilang bueong sa ibang mga sakit,ginklaro ni Dr. Nonato nga kinahang-ean pa kara nga mag-agi sa proseso.
