KALIBO,Aklan– Magapatigayon it aktibidad ro LGU-Kalibo sa Pook Jetty Port sa banwa it Kalibo kasunod sa selebrasyon it kapistahan ni Sr. San Juan Bautista sa Hunyo 24 it presenteng dag-on.
Suno kay Punong Barangay Lude Pinos nga nagapahaom ag preparar eon sanda para sa pagahiwaton nga nagkaeain-eain nga mga pahampang ag concert sa nasambit nga lugar.
Paga-umpisahan sigon ro mga pahampang kapareho it palo de sebo, boxing ag mga parlor games it alas-8 it agahon.
Ro nasambit nga concert sigon ro pinakaulihi nga pagahiwaton ag magatapos it alas-10 it gabie.
Angot kara, magabulig man sa pagbantay sa seguridad it tanan rong Kalibo PNP, lokal nga gobyerno, Municipal Disaster Risk Reduction Management Office (MDRRMO) ag Bureau of Fire Protection ukon BFP.
Ginpahayag dugang nga magiging dere-deretso ro andang pagbantay umpisa sa pag uli it mga beachgoers nga nagpaligos sa baybay para sa kapiestahan ni San Juan de Bautista hasta nga matapos ro concert.
May igataeana man sanda nga mga parking areas agud nga masiguro nga ro mga nagasueod ag nagaguwa nga mga saeakyan sa lugar hay mapabilin ro kaayusan.
Samtang, owa eamang sa jetty port nakatutuk ro andang atensyon kundi sa bilog nga lugar kun sa siin nagtaeana sanda it mga nagapatigayon it foot patrol sa beach front agud nga malikawan ro mga untoward incident.
