KALIBO, Aklan—Sa masunod nga dag-on eon pagapadayunon ro mga shows sa estados unidos it mga pinoy singers.
Suno kay Joel Damarillo Sebag, kilaeang pianista ag conductor sa Arkansas, USA nga kaibahan imaw sa mga gina-imbitahan nga mag-perform kon may mga shows ag concerts ro mga pinoy singers sa Estados Unidos kapareho nanday Martin Nievera, Marcelito Pomoy ag maabu nga iba pa.
Ginpahayag dugang nga bilang pagsunod sa emergency safety precautions tuga it COVID-19 pandemic rason nga ginkansela ro mga concerts schedules.
Ginkumpirma man ni Sebag nga gin-reschedule eon sa 2021 ro concert tour ni Marcelito Pomoy nga may titulong ‘The Voices of Marcelito’ sa bilog nga US kaibahan ro Hawaii nga nakataeana kunta ko July, September ag makaron nga buean it October.
Kabay suno kana nga maduea eon ro pandemic agud nga makabalik eon sa normal ro sitwasyun.
