Ginadihon it sangka mamalidha ro sangka proposisyong laye para sa pagtao it conditional cash aid para sa mga kwalipikadong mangunguma it paeay.
Ro nasambit nnga proposisyon nga ginatawag nga “Pantawid Magsasakang Pilipino Act” hay ginproponir ni Senator Ramon “Bong” Revilla Jr nga may katuyuang mabuhinan ro kapobrehan sa kanayunan ag masiguro ro seguridad ag bastante nga pagkaon it nasyo.
Sa idaeom it proposisyon ngara, ro Department of Social Welfare and Development (DSWD) hay ginmanduan nga sayuron ro mga benepisyaryo it programa pamaagi sa pagkonsulta sa Department of Agriculture ag Department of Agrarian Reform.
Samtang, ro pondo nga pagagamiton para sa pagpanudpod it cash aid sa rice farmers hay pagabue-on maghalin sa dag-onang tariff revenues.
Nakabaehag man sa proposisyong pagmandu sa DSWD ng magbilog it short-term intervention para mataw-an it temporaryong trabaho para sa mga rice farmers ag para mataw-an it dugang income ro mga kwalipikadong pamilya.
Sa pihak nga parte, suno pa sa Senador, kasunod sa proposisyong laye sa Republic Act No. 11598 ukon ro Cash Assistance for Filipino Farmers Act kung siin ginamaduhan ro DA nga magtao it P5,000 haega it conditional cash grants .
