Ginbuksan kahapon it Japanese Embassy sa nasyon ro condolence book para kay dating Japanese prime minister Shinzo Abe.
Raya hay gin-umpisahan kahapon asta makaron nga adlaw it Lunes.
Samtang, gin-anunsiyo man it embassy nga ro signing it condolence book hay magabukas umpisa alas-9:00 it agahon asta sa alas-12:00 it tru-adlaw samtang sa hapon hay maga-umpisa man pasado alas-2:00 asta alas-4:30 it hapon sa Pasay City.
Ro entrance it aktibidad hay sa Japan Information and Culture Center.
Sa mga gusto sigon magbisita kinahangean magdaea eamang it government-issued ID.
Kinahangean man sigon magsuksok it face masks ag magsunod sa minimun health protocols.
Sa pihak nga parte, mataeopangdan nga si Abe ro ginkilaea bilang longest-serving prime minister it Japan ag ginbaril-patay samtang nagapaabot it campaign speech ku nagtaliwan nga Biyernes.
Samtang,namatay raya sa edad nga 67.
