-- ADVERTISEMENT --
KALIBO, Aklan— Naghilinugyaw ro Filipino Community sa Thailand sa pagkakuhit ni Catriona Elisa Magnayon Gray it pang-ap-at nga Miss Universe crown para sa Pilipinas.
Suno kay Joan Dela Roca, sangka pinay teacher sa Bangkok, Thailand, ginpahayag kara nga uwa it mabutangan it andang kalipay ro mga pinoy matapos nga ginpyerde it 24-year-old Fil-Australian beauty ro 93 iba pang kandidata.
Nakaka-proud sigon bilang Filipino ro kadaeag-an it Bicolana beauty kon siin, nakadugang raya sa andang ‘confidence’ bilang mga manugturo sa nasambitang nasyon.
Ro pagdaog sigon ni Gray hay nagta-o it daean sa mga manugturo nga mas kapin pa sandang palanggaon it Thai people.
