KALIBO, Aklan—Indi dapat pag-itao ro request it DepEd nga P450 million confidential funds.
Raya ro naging reaksyon ni Gabriela Partylist representative Arlene Brosas angot sa confidential ag intelligence fund ni Vice President Sara Duterte.
Suno kay Brosas, ro nasambit sigon nga confidential funds hay “very specific” ag eain pa sa intelligence fund nga ginahinyu ni Duterte.
May mga guidelines ag provisions sigon nga ginasunod kon sa siin pwede lang raya gamiton kon may expressly provided for by the general appropriations act (GAA) ukon ro laye nga ginpasa kon may budget.
Nasayuran nga sa 2024, may request nga P450 million confidential fund para sa DepEd ag P500 million confidential fund para sa OVP.
Sa makaron, ginapangutana ni Brosas ro 2022 confidential and intelligence funds bangud bigla sigon raya it my P125 million nga gastos ro OVP haein sa contingent fund, apang owa it item.
Ro nasambit nga pondo ro naging contingent fund nga gintao ni Pangueong Marcos sa OVP.Suno man kay Brosas nga nasayuran raya kat gin-usisa ro rekort ni VP Duterte kon sa siin nakita sa SARO ukon statement of appropriations allotments, obligations, disbursements and balances nga nagreport ro OVP nga nakabaton raya it P125 million confidential expenses.
Suno sa report, gingastos sigon raya sa sueod it 19 diyas, halin December 13, 2022 hasta December 31, 2022.
Pahayag ni Brosas nga karapatan sigon it publiko nga kwestyunon kon sa siin gingasto ro nasambit nga confidential fund kon sa siin haeos P6 million ro ginarelease kara sa sangka adlaw.
