Cong. Haresco, gindayaw ro hinimuan ni Kalibo mayor Sucro sa unang 100 diyas sa pwesto

KALIBO, Aklan—Gindayaw ni Aklan 2^nd District Congressman Teodorico Haresco ro mga hinimuan ni Kalibo Mayor Juris Bautista-Sucro sa anang unang 100 diyas sa pwesto.

Partikular nga gintumod kara ro naging preparasyon it alkalde para sa Opening Salvo it Kalibo Sr. Sto. Niño Ati-atihan Festival 2023, pagpanami sa Kalibo Pastrana Park ag mpag-aspalto sa karsada.

Suno kay Congressman Haresco, excited imaw nga masaksihan ro mga masunod pang proyekto ag programa ni Mayor Sucro para sa kamaeayran it banwang Kalibo.

Nagaeaum sigon imaw nga magserbing inspirasyon sa iba pang local chief executives si Mayor Sucro bangud makarondaya dapat ro pagtao it serbisyo sa publiko.