Ginakonsidera it Department of Justice ukon DOJ nga ipadeklara bilang terorista si Negros Oriental Cong. Arnolfo Teves Jr.
Suno kay Atty. Janmar Barrios, sangka abogado sa probinsiya it Aklan, may una nga anti-terrorism act of 2020 kon sa siin pwede ideklarang Anti-terrorist para maipabalik sa nasyon ro gindeklarang indibidwal.
Dugang pa kara nga pwede man raya nga daehon sa United Nations.
Base sa section 4 it anti-terrorism act of 2020, ginakonsidera ro sangka indibidwal nga terorista kon imaw hay naging rason it widespread of fear and panic sa publiko.
Apang sa opinyon ni Barrios nga medyo inde pwede ikunsidera si Teves nga terorista.
Kon mabasa ro intensyon it nasambitang laye, maikonsidera nga terorista ro sangka indibidwal kon raya hay eakot sa mga bodily injuries ag causes death without personal grudge.
Dugang pa ni Atty. Barios nga eain ro terorista sa murderer kon sa siin may-una raya nga kaakig nga rason sa pagpatay sa biktima.
Pwede imaw nga makasuhan it murder apang bukonit sa idaeom it anti-terrorism law kundi sa ibang mga laye.
Apang, makabig raya nga debatable kon sa siin eakot si Teves sa mga alegasyong responsible sa mga assasinations ag iba pang mga kirmen.
Pwede man nga madebate it DOJ nga armed and dangerous si Teves.
Kon mapamatud-an pwede imaw nga ikunsiderang terorista under letter A it nasambitang laye.
May mga probisyon nga detention without warrant of arrest nga uwa it maabong prosesong pagaagyan sa korte.
Suno pa kana nga pwedeng pasakaan it kaso maskin nga uwa raya sa Pilipinas kon may unang probable cause ag may ebidensiya kon mapamatud-ang guilty
