Ginaeauman nga magiging three cornered fight ro congressional race sa Eastern side it probinsiya it Aklan sa tunga nanday incumbent 1st District Congressman Carlito Marquez ag Sangguniang Panlalawigan Member Atty. Harry Sucgang nga pareho eon nga nakadihon it andang Certificate of Candidacy (COC) kamana man si Batan Mayor Rodell Ramos.
Handum nanday Sucgang ag Ramos nga wakasan ro termino ni Marquez nga target nga mabo-oe ro ikatlong sunu-sunod ag pinal nga termino bilang kongresista.
Si Marquez hay uman nga nagbalik sa Tibyog Akean matapos nga makipagkasugot sa grupo nanday Governor Florencio Miraflores ag 2nd District Congressman Ted Haresco para sa united leadership.
Sa pihak nga parte, ginpahayag ni Marquez nga welcome ro tanan nga magpadaeagan bangud sa handum nga makabulig ag makaserbisyo sa kasimanwa , kun sa siin nakadepende eon sa tawo ro pagdesisyon.
Sa anang pagsueod sigon sa pulitika, owa imaw naga-usoy it kaaway kundi nga kaapin eang.
