KALIBO, Aklan—Gin-insister ni aklan 2nd district congressman Ted Haresco nga owa imaw it plano nga magpadaeagan bilang gobernador.
Raya ro ginpahayag it kongresista kasunod it mga espekulasyon nga paga-engkwentruhon nana ro anang gumankon nga si governor Jose Enrique “Joen” Miraflores sa 2028 elections.
Bukon sigon kana it bagay ro magpirma eamang it mga dokumento sa bilog nga adlaw bangud nga mas epektibo imaw kon may ginabuytan nga komitiba sa manaba nga kapueungan it kongreso.
May hinambaean sigon imaw nga klase it tawo rason nga ginatindugan ro mga tinaga nga ginabuhian.
Engkaso suno kana nga mataw-an it kahigayunan nga makaserbisyo sa anang ikatlong termino hay mas pa imaw nga magadoble-kayod para sa pagbuhos it mga infrastructure projects, edukasyon, ikamayad nga eawas ag iba pang mga importanteng programa kapareho it livelihood , libreng pagpa ospital , dugang nga makinarya ag kagamitan sa mga mangunguma ag mangingisda ag iba pa.
