Construction it  potable water system, igaduso ni Tangalan mayor Gary Fuentes sa uman nga pagpungko sa pagka-alkalde it banwa

KALIBO, Aklan—Nagpasaeamat si Tangalan mayor  re-electionist Gary Fuentes  sa  pagsuporta kana it majority it  mga  pumueuyu sa anang kandidatura.

Suno kay Fuentes  nga  sangka mabahoe nga bugae nga masuportahan it masobra sa  12,400 nga mga  residente  kumpara sa anang kaengkwentru nga nakabo-oe eamang it masobra sa 460 nga boto.

Ginpromisa it alkalde nga magapungko  eon sa  anang ikatlo ag ulihing termino  nga indi paga-uyangan ro boto ag suporta  it anang mga constituents.

Padayun sigon ro andang pagpabaskog sa  mga programa  sa  ikamayad nga eawas  kamana man ro construction it  potable water system.