KALIBO, Aklan—Nagapadayon ro construction project sa Kalibo International Airport it Department of Transportation ukon DOTr ag Civil Aviation Authority of the Philippines ukon CAAP.
Suno kay Engr. Eusebio Monserate Jr., Manager it CAAP-Aklan nga padayun ro pag-obra it bag-ong rampa sa paeuparan nga makasarang nga magbaton it 10 hasta 13 nga eroplano.
Nnauna kara, natapos eon ro andang bag-ong gin-rehabilitate nga passenger terminal building agud nga malikawan ro pagdueutudutan it mga pasahero nga naga-agi sa airport kamana man nga mataw-an it mas eowas, secure ag masoehay nga pagbiyahe.
Sa pihak nga parte, gindugang pa ni Engr. Monserate nga maabu eon man nga mga international airline companies ro naga-inquire kon hin-uno sanda pwedeng magbaton it interational flights.
Apang padayun sigon nanda nga ginahueat ro “go signal” it national government para sa pagbaton it mga dumueuong nga turista.
