Paga-umpisahan eon makaron nga adlaw it Huwebes, Setyembre 8 ro construction it edipisyo it Kalibo Municipal Police Station.
Suno kay Police Major Jasson Belciña, hepe it Kalibo PNP nga raya hay sangka standard type “A” building ag kauna-unahan sa bilog nga probinsya it Aklan.
Una kara, ginpatigayon ro groundbreaking ceremony kon siin igatukod ro nasambit nga edipisyo sa may Jaime Cardinal Sin Avenue, Brgy. Andagao, Kalibo.
Ginpahayag dugang ni P/Major Belciña nga ro bag-ong Kalibo MPS hay sangka 3-storey building kon siin maligwa eon ro paghueag it tanan ag may mabahoe nga selda.
Ro pondo nga nakataeana hay para eamang sa construction it edipisyo ag kon matapos hay kabuliganan eon dayon it PNP ro mga kagamitan ag iba pang kinahang-eanon sa sueod katuwang ro iba pang stakeholders nga gustong magta-o ag magbulig kanda.
