Kalibo Aklan ——Nagapadayun ro contact tracing it mga miyembro it Rural Health Unit ag Barangay Health Emergency Response Team (BHERT) sa mga posibleng nakasalamuha it panibag-ong nagpositibo sa coronavirus disease (COVID-19) sa banwa it kalibo .
Suno kay Kalibo Mayor Emerson Lachica nga padayun ro pakikipag-angot it mga otoridad agud nga mausoy ro ginakahimtangan it mga nakaibahan kara partikular sa anang gina-istaran nga boarding house sa Sitio Libtong, Brgy. Estancia Kalibo.
Nasayuran nga ro Kalibo hay nakalista it ikatlong kumpirmadong kaso ko Abril 5 rason nga nag-abot eon sa 6 ro kabilugan nga numero it mga pasyente sa Aklan base sa kumpirmasyon it Provincial Health Office (PHO) Aklan.
Samtang, gindugang pa ni Mayor Lachica nga hugut sa gihapon nga ginapatuman ro curfew, home quarantine it mga residente, social distancing, disinfection sa nagkaeain-eain nga mga daeanon ag iba pang mga precautionary measures .
Target sigon nanda nga owa it maduea nga kabuhi it mga kalibonhon bangud sa sakit rason nga ginahimo ro tanan nga mga pagpangaman.
