Kalibo Aklan ——–Natapos eun ro ginpatigayon nga contact tracing it Rural Health Unit (RHU) sa banwa it Banga.
Suno kay Ma. Donalyn Siyambio, Public Information Officer it Local IATF sa banwa it Banga nga ro tanan nga may direct contact sa andang pasyenteng nagpositibo sa coronavirus disease (COVID-19) hay ginpaidaeum eun sa swab testing.
Puro man sigon negatibo ro naging resulta kara, mag-euwas eamang sa sangka sang dag-on nga unga ag makarun hay presenteng naka-quarantine sa andang gintaeana nga quarantine facility.
Ginklaro man kara nga raya hay nakarekober eun ag ginahueat eun lang nga matapos ro anang quarantine period.
Samtang, ginpamalibaran man kara nga may naakig sa andang pomoeuyo bangud sa ginpatigayon nga contact tracing.
Raya hay matapos napabalita nga may sangka personang nagapangaean kay Rene Dizon Nacionales ro nagpost sa anang facebook account ag ginapahayag nga nagareklamo angot sa ginapatigayon nga contact tracing it local IATF ag nagapanghangkat pa it sangka “debate”.
Sa makarun hay padayun pang ginabo-oe it Bombo Radyo ro pahayag ni Mr. Nacionales.
Samtang, nagpadumdom man si Siyambio sa publiko nga likawan anay ro pagpadueong sa mga matawong lugar ag hugot nga magsunod sa ginapatuman nga health protocol kapareho it pagsuksokit face mask ag face shield agud makalikaw sa COVID-19 virus.
