Ginpaathag it sangka eksperto ro rason sa likod it naeksperyensyahan nga climate change nga ginakaeakipan it mga pagbaha, bagyo, pag-inuean ag iba pa sa bilog nga kalibutan.
Suno kay Dr. Reynand Dumalaon, researcher it University of Auckland, New Zealand makabig nga contributing factor sa global warming ro mga nagakinatabo sa ibabaw it kalibutan.
Sambilog eon sigon kara ro pag-inabo it industrial revolution nga mas naglala pa sa mga nagtaliwan nga dinag-on.
Ginpaathag dugang ni Dr. Dumalaon nga ro carbon dioxide nga nagahalin sa industries nga ginakaeakipan it mga factory, aso it saeakyan ag iba pa ro sambilog sa mga rason nga madasig nga naga-init ro atmosphere.
Ginapanan-aw nga mas eabi pang magalala ro climate change nga naeksperyensyahan ag pagaekspektaron nga pwedeng mas mabaskog pang mga bagyo ag mataas nga baha ro maeksperyensyahan it kalibutan sa mga masunod nga dinag-on.
Sa pihak nga parte, pwede suno kay Dr. Dumalaon ma minimize ro epekto it climate change.
Raya hay pinaagi man sa pagta-o it awareness sa publiko ag pwede raya nga umpisahan sa mga eskwelahan.
Raya suno kana ro maibulig it kada isaea para maminimize ro epekto it global warming bangud nga kon inde raya mataw-an it nagakaigo nga igtaeopangod hay kita gihapon ro magasakripisyo
