KALIBO, Aklan—Ro Chronic Obstructive Pulmonary Disease (COPD) hay sangka progressive ag incurable lung disease kung sa siin ro persona nga naga-angkon kara hay hay nalisdan nga magginhawa it maayos.
Suno kay Dr. Rodney Valencia, sangka internist-pulmonologist nga kung indi matutukan it timprano ro COPD symptoms hay puweding mag-grabe ag maging rason it pagkamatay it pasyente.
Ro nasambitan nga pulmonary disease hay ginakaeakipan it daywang ka mga masakit nga chronic bronchitis ag emphysema.
Ro chronic bronchitis hay ro pag-abo it cough ag mucos production nga daea it paghaeok it breathing tubes sa sueod it baga.
May unang mingko maisot nga medyo buhok nga structure sa tube nga gintawag nga cilia nga nagabulig agud nga mapabilin nga malimpyo ro airway pamaagi sa pagbo-oe it mucus.
Kung nasamad ro cilia, owa eun it taga-booe it mucus rason nga nagahaeok raya ag barado ro airway.
Bangud kara, nalimitahan man ro air flow nga nagasueod ag nagaguwa sa baga.
Samtang ro emphysema man hay ro pagkasamad it air sacs ukon pag-collapse it pinakamaisot nga breathing tubes it baga.
Ro walls it mga nasamad nga air sacs nga gina-stretch out ag ro baga hay nagabahoe nga nagaresulta it kalisod sa pagsueod ag pagguwa it hangin.
Ro mga sintomas it COPD hay ro perming pag-ubo maskin may plema man ukon owa, shortness of breath, pagniwang, fatigue, ag pagsakit it ueo kada agahon.
Samtang agud nga malikawan ro COPD dapat nga sundon ro mga masunod; likawan ro pagpanigarilyo, paglikaw sa mga maaso nga lugar, perming limpyuhan ro baeay, ag magpakonsulta sa doktor ukon magpabakuna kontra sa flu ukon pneumonia.
