KALIBO, Aklan—Uman nga nagpatigayon it Coral Transplantation and Underwater Cleanup ro mga stakeholders sa isla it Boracay bilang kaparte it nagapadayon nga paglimpyo ag rehabilitasyon para sa nagahilapit nga re-opening it pinakasikat nga isla sa bilog nga kalibutan sa Oktubre 26.
Raya hay ginpangunahan it Boracay Foundation Incorporated (BFI) sa pakikipagbuligan it Boracay Business Administration of Scuba Shops (BBASS) ag Local Government Unit (LGU)- Malay.
May kaangtanan kara, kapin sa 185 coral fragments ro naitanom sa idaeom it eawod ag 21 kasako it higko ro nahaw-as kon siin kaeabanan kara hay mga botelya it aeak ag maabo pang iba.
Ro nasambitang aktibidad hay ginpartisiparan it it kapin sa 24 divers halin sa nagkaeain-eain nga diving center sa Boracay.
Samtang, may 20 diyas eon lang ro nabilin para sa Boracay reopening countdown.
