Ginkumpirma it Michigan college nga ro andang tumaeagsahon nga “corpse flower” hay nagbueak sa kauna-unahan nga kahigayunan sa nagtaliwan nga pitong dag-on ag nagpaguwa eon it anang signature nga mabaho nga hugum.
Ginpahayag it Grand Valley State University nga ro corpse flower, mas kilaea sa tawag nga Amorphophallus titanium hay nagbueak sa Barbara Kindschi Greenhouse sa Allendale.
Ro tanum nga naghalin sa Indonesia hay nakaangkon it nickname nga corpse flower bangud sa mabaho nga hugum nga ginapaguwa kara samtang nga nagabut-eak.
Ro hugum hay maituead sa nagaka-eunot nga karne.
Ro endangered nga bueak hay naga-eawig it hasta sa napueong dag-on antes nga eubusan nga magbahoe.
Suno sa mga opisyal nga ro presenteng pagbueak kara hay una umpisa nga gindaea ro tanum sa GVSU may pitong dag-on eon ro nagtaliwan.
