KALIBO, Aklan – – – Nag eksplikar eon sa LGU-Malay ro Costa de la Vista, developer it integrated resort sa isla it Boracay nga gina panag iyahan it pamilya ni Senador Cynthia Villar hinggil sa isyu it pagtapan it bukid sa bahin it Brgy. Yapak, Boracay.
Suno kay Rowen Aguirre, Executive Assistant on Boracay Affairs it LGU-Malay nga gina dahilan it developer nga nagapatigayun sanda it pag hueag ukon “earth moving” sa porsyon it gin tapan nga bukid sa tinotuyong maprotektahan kara nga mag-collapse ag magka-landslide bangud sa haeos tatlong adlaw eon nga pag inuean sa isla.
Sa pihak kara, uman nga gin pasiguro ni Aguirre nga tanan nga operasyon it nasambitang developer hay gin pauntat eon umpisa pa eamang it Boracay closure.
Gin pamilit pa kara nga may gina patuman nga mandu ro Department of Environment and Natural Resources (DENR) nga tanan nga construction sa isla hay kanselado anay samtang gina paidaeum pa sa rehabilitation efforts ro Boracay bangud sa environmental issues ag iba pa.
Madumduman nga mismong si Senador Villar nga Chairman it Committee on Environment and Natural resources ro nagpanguna sa gin patigayung Senate inquiry sa gin patuman nga Boracay closure.
