Nagtaliwan eon sa pihak nga kinabuhi ro country singer nga si Loretta Lynn sa edad nga 90.
Suno sa kampo kara nga bangud eon man sa kagueangon ro rason it kamatayon kara sa andang baeay sa Tennessee.
Dag-on 2017 kat ma-stroke imaw ag sa masunod nag dag-on hay nabalian ro hawak.
Nominado raya it 18 beses sa Grammy ag nadag-an ro 4.
May una man imaw nga 21 kanta nga nag-numero 1 ag 11 album nga nagnumero uno.
Pila sa mga ginpasikat kara nga kanta hay ro “You Ain’t Woman Enough (To Take my Man)”, “Don’t Come Home a Drinkin”, ” One’s on the Way”, “Fist City” ag maabu nga iba pa.
Nagdaog man imaw it Country Music Awards bilang Vocalist of the Year ko 1967, 1972 ag 1973.
Ginkasae raya kay Oliver Lynn sa sueod it 50-anyos ko 1948 kat imaw hay 15-anyos pa eamang kung siin nakaangkon sanda it an-om ka mga unga.
Gintaeana man raya bilang Nashville Songwriters Hall of Fame ko 1983 ag Country Music Hall of Fame ko 1988.
Kamana man nga nagdaog imaw it Billboard Legacy Award for Women in Music ko 2015 ag Named Artist of a Lifetime ko 2018.
